*Crop Insurance Scheme: खरीप २०२५ साठी सुधारित पिक विमा योजना.*
Kharif 2025 Revised Crop Insurance : विविध नैसर्गिक आपत्ती, कीड व रोगांमुळे पिकांचे होणारे नुकसान भरून निघावे यासाठी केंद्र शासनाची प्रधानमंत्री पिक विमा योजना राज्यात राबवली जात आहे.
PMFBY: विविध नैसर्गिक आपत्तींमुळे पिकाच्या होणा-या नुकसानीपासून शेतक-यांस आर्थिक संरक्षण देण्याच्या दृष्टिकोनातून राज्यात प्रधानमंत्री पिक विमा योजना राबविण्यात येत आहे. या योजनेची ठळक वैशिष्ट्ये
खरीप हंगाम विमा योजनेत भाग घेता येणारी पिके
*भात (धान), खरीप ज्वारी , बाजरी, नाचणी(रागी), मका, तूर, मुग, उडीद, सोयाबीन, भुईमुग, तीळ, कारळे, कापूस व कांदा* या अधिसूचित पिकांसाठी ,अधिसूचित क्षेत्रातील शेतक-यांना भाग घेता येईल.
महत्वाच्या बाबी
*योजनेत सहभागासाठी अंतीम मुदत दि. ३१ जुलै २०२५*
या योजनेत भाग घेण्यासाठी शेतकऱ्याचा agristack नोंदणी क्रमांक (फार्मर 🆔) आणि ई पिक पाहणी बंधनकारक आहे.
अधिसूचित क्षेत्रात, अधिसूचित पिके सर्व शेतकरी या योजनेत भाग घेऊ शकतात.
कर्जदार आणि बिगर कर्जदार शेतकऱ्यांना योजनेतील सहभाग ऐच्छिक आहे .
ई-पीक पाहणी आणि विमा घेतलेले पिक यात तफावत आढळल्यास विमा अर्ज रद्द होईल आणि भरलेला विमा हप्ता जप्त केला जाईल.
विमा अर्ज भरण्यासाठी शेतकरी यांनी सीएससी (CSC) याठिकाणी संपर्क साधावा.
एखाद्या अर्जदाराने बोगस किंवा फसवणूक करून विमा योजनेचा लाभ घेण्याचा प्रयत्न केल्यास त्यांना पुढील किमान ५ वर्ष काळ्या यादीत टाकून शासनाच्या कोणत्याही योजनेचा लाभ दिला जाणार नाही .
मंजूर नुकसान भरपाई अर्जदार यांचे आधार सलग्न बँक खात्यात थेट केंद्र शासन पोर्टल वरून जमा करण्यात येणार आहे .
सर्व पिकांसाठी जोखीमस्तर ७० % आहे.
*विमा नुकसान भरपाई कशी निश्चित केली जाणार*
खरीप २०२५ च्या हंगामात उत्पादन आधारित नुकसान भरपाई निश्चित करताना महसूल मंडल/तालुक्यात पिक कापणी प्रयोगाद्वारे आलेले सरासरी उत्पादन हे उंबरठा उत्पादनापेक्षा कमी आल्यांस खालील सुत्रानुसार नुकसान भरपाईची रक्कम काढली जाते. सरासरी उत्पादन काढताना कापूस, सोयाबीन, भात या निवडक पिकाचे बाबतीत रीमोट सेन्सिंग तंत्रज्ञान द्वारे प्राप्त उत्पादनास ५० % आणि पीक कापणी द्वारे प्राप्त उत्पादनास ५० % भारांकन देऊन पिकाचे सरासरी उत्पादन निश्चित केले जाणार आहे . उर्वरित पिकांचे बाबतीत पिक कापणी द्वारे प्राप्त उत्पादन गृहीत धरले जाणार आहे .
उंबरठा उत्पादन – प्रत्यक्ष आलेले सरासरी उत्पादन
नुकसान भरपाई रु. = —————— —————– -X विमा संरक्षित रक्कम रू.
उंबरठा उत्पादन
*विमा योजनेत सहभागी होण्याकरिता शेतक-याने काय करावे ?*
अधिसूचित क्षेत्रातील अधिसूचित पिकासाठी पिक कर्ज घेतलेल्या शेतक-यांस देखील या विमा योजनेत सहभाग बंधनकारक नाही. मात्र त्या साठी शेतकर्याने विमा योजना भाग घेण्याच्या अंतिम दिनांक आधी किमान ७ दिवस संबंधित बँकेस विमा हप्ता न भरणे बाबत लेखी कळवणे गरजेचे आहे. बिगर कर्जदार शेतक-याने आपला agristack नोंदणी क्रमांक ,७/१२ चा उतारा, बँक पासबुक , आधार कार्ड व पिक पेरणीचे स्वयं घोषणापत्र घेवून प्राधिकृत बँकेत विमा अर्ज देवून व हप्ता भरुन सहभाग घ्यावा. या शिवाय कॉमन सर्विस सेंटर (CSC) आपले सरकार च्या मदतीने आपण विमा योजनेत सहभाग घेऊ शकता किंवा www.pmfby.gov.in या पोर्टलचे सहाय्य घेऊ शकता . भाग घेतलेल्या शेतकऱ्याने नंतर ई पिक पाहणी नोंद पूर्ण करावी .
*योजनेच्या अधिक माहितीसाठी कोठे संपर्क साधावा.*
पीक विमा योजनेच्या अधिक माहितीसाठी *विकास कॉम्प्लेक्स मारुती मंदिरासमोर गोगलगाव* या कार्यालयाशी संपर्क साधावा.
*सौरभ चौधरी पा.*
*CSC सेंटर*
*9834830788.*
मारुती मंदिरासमोर गोगलगाव ता- राहाता जि-अहिल्यानगर.
