डास निर्मूलनासाठी फवारणीची मागणी …
प्रतिनिधी:- विकास म्हस्के गोगलगाव.
राहाता (गोगलगाव) : स्थानिक परिसरात घाणीची समस्या असल्याने डासांची पैदास वाढली आहे. त्यामुळे नागरिकांच्या आरोग्यास धोका निर्माण झाला आहे. डास निर्मूलनासाठी गावात फॉगिंग मशीनद्वारे धुरळणी व फवारणी करण्यात यावी, अशी मागणी तालुका आरोग्य अधिकारी राहाता यांना नागरिकांनी केली आहे.
गावातील घाणीमुळे डासांची पैदास प्रचंड वाढली आहे. यामुळे चिकनगुनिया, डेंग्यू यासारख्या लक्षणं दिसून येत आहे,ग्रामस्थ बळी दुसरीकडे परिसरात मोठ्या प्रमाणात होत असलेल्या भारनियमनामुळे विद्युत उपकरणे बंद असतात. अशावेळी लहानग्यांपासून वृद्धांनाही डासांचा प्रचंड् त्रास सहन करावा लागतो. परिसरात काळसर पांढरे रंगाचे डास दिसून येत आहे. त्यामुळे डेंग्यूसदृश आजाराची भीती वर्तविली जात आहे. डासांचा बंदोबस्त लावण्यासाठी गावात फॉगिंग मशीनद्वारे धुरळणी व नाल्यांमध्ये औषधांची फवारणी करणे गरजेचे झाले आहे. तसेच स्थानिक प्रशासनाने गावातील साफसफाई करावी, अशीही मागणी ग्रामस्थांनी केली आहे.
प्रशासनाला फवारणी करण्यासाठी किती दिवसाचा कालावधी लागतो व लागेल.यावर सर्वांचे लक्ष लागलेले आहे.
